رواه ابو نخله (10).: هي.. بهي.. عود ..... مثقف .......

كثيرا ما تسمع بعض التعليقات ، شوف هذا.. لابس نظارات مسوي روحه مثقف ، لو الاخ ناضد كومة جرايد من العهد الملكي ، تحت اباطه وماشي، شنو..... على اساس الاخ يعني كلش ضابطها " ميخرش الميه" مثل ميگول المصري!!! ودائما من يحجي وياك يسيوي كلماته مثل الربط الكهربائي ثلاثه فيوز كل ثلث كلمات يربطها بكلمه وحدة على اساس شنو  الاخ تفاح نيوتن يتساقط منه !! وما ينسى بين حرف وحرف وگال بالواقع... الحقيقة ملكت درج تطلع بيه، والشفافية وبعد اكو كلمه اني لحد اليوم ملكيت معناها بالگوگل ولا بالمحيط " منحة  الشفرنازدوية  " ....

يوما ما وددت ان ارى احد الاعزاء والذي لم اراه منذ خمسة وعشرين عام ،  الفرصة الوحيدة لدي هي ان اراه في امسية او عصرونية اقيمت له للتعريف بروايته الجديدة... فاستغفرت ربي وتمنيت ان يلهمني الصبر والسلوان كي اتحمل الجلوس حتى نهاية العصرونية،  لمعرفتي ان هناك  بعض الحنفيات اللي خربت جلدتها من زمان !!.. وحقيقة وعلى عكس صاحب الرواية الذي تحدث عن روايته بثلاث دقائق لا غير .... هب البعض من النقاد!!! بتناول الرواية في مداخلات اقلها كان  25 دقيقة ، ان استثنيت صاحبي الصحفي والشاعر الذي اختصر مداخلته بدقائق خفيفة الظل انتابها المثل والنكته ايضا.

المحزن ان اصحاب تابط شرا ... ازدادوا اليوم  خصوصا بازدياد عدد الصحف المفرط وبامكانية النشر حسب ما تملكه من مال وليس فكر او ثقافة و و و و  الخ من الواويات.....و المحزن هنا  ان  يدعي البعض النقد والادب ويسرقوا وقت الناس وراحتهم وحقهم ويلقون محاضرات نقدية على رواية  لم يقرأوها هم اصلا، وهذا اسميه قلة ادب ، عذري للجميع ودون مجامله لاحد !!!؟!!  اليس هؤلاء هم من وصفوا بالقول  "  ابليس يعلم ولده على الصلاه وهو ما يسكر".............. لو اني محشش.....

19-5-2013

كريم الربيعي