الأربعاء، 12 فبراير، 2014

الملابس والازياء الرسمية



مجرد اسئلة ليش... لما تشوف شرطي اوربي او ببعض دول اسيا وكذلك في اربيل  منا وبينا تشوف ملابسه مرتبه ومهتم هو بنظافتها وقياسها على جسمه.... وبعض دول اوربا يعجبك بس تباوع!!!

وليش عود شرطتنا لو تلكي النطاق مشدود هواي والبنطلون طالع زرك من الخواصر لو من كدام... والبيريه  ماكو... ومرات تشوفه بلباس الشرطة ولابس نعال ... والقميص بكيفة يدكم  يلبس ربطه فاتح صدر وحاط جفيه على ركبته ... ليش مو يعني الاخ كرهان شغلته ... اذا كرهانه خويه روح سويلك دكتوراه من مريدي من الحوزة   من اي وقف ، الاوقاف الشيعية والسنية تسوي امتحانات وتنطي شهادات  وتعين والدولة تقبل التزوير روح صير نائب  يا يابه...  عامل النظافة بدلته تخزي والعسكري ما ادري شلون .. وخصوصا حاطين على راسهم هاي مثل الناظور فيكات بس شكل هيه سعرها 30 او 40 الف ما الها اي مهمه  بس هيج  فيكه امنيه. ديكور!!.. يمعودين والله خربانه يعني  اشو من يروح واحدكم  لفاتحة شو يلبس الدشداشة مكوية والعباءة  الخفيفة مطركه...  ومعدل الرصيد بوجه،  واحد اسيا سيل والثاني عراقنا ....، شوكت نحترم مهنتنا...وشغلنا يومها نصير شعب....

كريم الربيعي

 

ليست هناك تعليقات:

إرسال تعليق