الأربعاء، 27 نوفمبر 2013

اسكت وخليها .....ستسقط على راسك!!! اخخخخخخخخخخ ياعراق


في الرحلات الجوية واثناء اقلاع الطائرة تتحدث احدى المضيفات عن  تعليمات السلامة في حالة حصول خلل او حادث في الطائرة ... واحدى تلك التعليمات تقول ان كمامة الاوكسجين تهبط او تنزل او تتدلى من الاعلى امامك... الا في الطيران العراقي ....تقول   سقوط اجهزة الاوكسجين فوق رؤوسكم ... هي عايزه رؤوسنااا يا عيوني شوي خففوها وسوهها تتدلى امامكم كمامة الاوكسجين  مو كافي تطبير بالراس يا عيوني وتطبير برلماني  وحكومي ورئاسي ومحافظات ونواحي  كافي والله كافي ظلمتوها للدنيا ، لو خايفين بس تكولون امامكم الناس تصلي عالنبي.......................!

وذكرتي بنكتة  ابو صفنه

ابو صفنه ماشي بالشارع وضارب دالغه ...

صوت مجهول....... لك لك  لك اطلع على الرصيف عالرصيففففففففففففففففف

ابو صفنه طفر عالرصيف... التفت يمنه يسرى ما كو احد......  كمل مشي... وهم ضرب دالغه

صوت مجهول .... لك اوكف اوكف اوكففففففففففففففففففففففف

ابو صفنه باخر لحظة وگف  ݘان يشوف حفره گدامه ربك انقذه  لو واگع بيها محد يشوفه حتى لو وزير الاسكان  والبلديات.... صاح لك داد منو انته اريد اشوفك محد جاوبه من الحكومه العراقية .... كلهم مشغولين بالمشاريع الاسكانية....

ابو صفنه كمل مشي.... هم ضرب دالغه وسالفه تاخذه واستنساخ يجيبه

صوت مجهول..... لك لك لك اوگف  اوگف صوت مفزع

ابو صفنه وگف... وشاف  حجر كبير جدا هبط امامه والله ستره جان انمعص ، التفت يمنه يسره ما شاف احد .... صاح بصوت عالي  ، يمعود مراح امشي بعد ...مجتف للما اعرفه ... لازم تطلع اريد اشكرك والله اريد اشكرك يعني معقوله ثلث مرات تنقذ حياتي  وما اشكرك داد حبيبي

الصوت المخفي.... اني ملاكك اللي على ايدك اليمين....

ابو صفنه... مد ايده اليسار  وفتح كف ايده  وگال ... انزل يرحم اجداد خليني اشوفك ...واشكرك

الصوت الخفي " الملاك " نزل على كف ابو صفنه الايسر ....

ابو صفنه ݘان بسرعه يطبگ  ايده اليمنى على اليسرى ويبلش معص بيه لك اخ الاخ !!!!!!!!!!!!!!!!  تنقذ حياتي هاهههههههههههههههه اخ الاخ وين كنت قبل الزواج.... لعد.....................

 

ليست هناك تعليقات:

إرسال تعليق